မြန်မာ့ဆေးဖက်ဝင် ကြောင်လျှာပင်

 မြန်မာဆေးကျမ်းတွေအရ ဖန်ခါးတဲ့ အရသာရှိပြီး ပူ စပ်ပြီး ကြေလွယ်တဲ့အတွက် ၊ နှုတ်ကို မြိန်စေတယ်လို့သိရပါတယ် ။ နှလုံး နဲ့ လည်ပင်းကို အကျိုးပြုတဲ့အပြင် ဝမ်းမီးကို တောက်စေပါတယ် ။ လေ သလိပ် ၊ မြင်းသရိုက် ၊ ဝမ်းသက် ၊ အဖျား ၊ အစာမကြေ ၊ နူနာ ၊ ပျို့အန် ၊ ချောင်းဆိုးရောဂါတို့ကို ပျောက်ကင်းစေနိုင်ပြီး ခွန်အားကို တိုးပွားစေပါတယ် ။

ကြောင်လျှာခေါက် အသုံးပြုပုံ မှာ

၁ ။ ကြောင်လျှာအခေါက်မှုန့်ကို ချင်းရည် ၊ ပျားရည်တို့နှင့် ရောစပ်ပြီး သောက်ရင် ပန်းနာ ချောင်းဆိုးရောဂါ ပျောက်ပါတယ် ။

၂ ။ အခေါက်မှုန့်ကို ရေနွေးပူပူနဲ့ ၂ နာရီခန့်စိမ်ပြီး စစ်ပြီး နံနက် ည သောက်ရင် အစာမကြေရောဂါ ပျောက်စေပါတယ် ။

၃ ။ ကြောင်လျှာခေါက် ကို ရေစိမ်ပြီး အဲဒီရေနဲ့ ပလုတ်ကျင်း ပေးရင် ခံတွင်း ခြောက် ကွဲနာ ပျောက်ပါတယ် ။

၄ ။ သားဖွားပြီး နာကျင်ကိုက်ခဲသည့်ရောဂါ ၊ ခေါင်းတစ်ခြမ်း ကိုက်ရောဂါတွေ အတွက်လည်း ကြောင်လျှာခေါက်ကို သုံးလို့ရပါတယ် ။

၅ ။ အမြစ်ခေါက်ကို အဆစ်အမျက်ရောဂါဖျားရောဂါ ၊ ဝမ်းဖော ၊ ဝမ်းရောင် ၊ ဝမ်းကိုက်ရောဂါများအတွက် အသုံးပြုပါတယ် ။

ကြောင်လျှာ အရွက်အသုံးပြုပုံမှာ

၁ ။ ကြောင်လျှာရွက်ညှစ်ရေကို သောက်ရင် ဘိန်းဆိပ်သင့် ခြင်း ပျောက်ပါတယ် ။

၂ ။ ကြောင်လျှာရွက်ပြုတ်တို့စားရင်တော့ ဝမ်းမီးကောင်းပါတယ် ။

ကြောင်လျှာ သီးအသုံးပြုပုံမှာ

၁ ။ အသီးကို ပြုတ် ပြီး ဖြစ်ဖြစ် ၊ ဖုတ်ပြီး ဖြစ်ဖြစ် စားခြင်းက အစာမကြေရောဂါ ၊ လည်ပင်းကြီးရောဂါ ၊ သရိုက်ရောဂါ ပျောက်၏။ သုပ်စားခြင်းက လည်ချောင်းတွင်း အပူဖုပေါက်သောရောဂါ ပျောက်စေပါတယ် ။

၂ ။ ကြက်သားနှင့် ချက်စားပါက ပန်းနာရောဂါ ပျောက်ပါတယ် ။ အားကို ဖြစ်စေပြီး အစာမကြေရောဂါ ဝမ်းပျက်ရောဂါပျောက်စေပါတယ် ။

၄ ။ ပုစွန်နဲ့ ချက်စားရင် နှလုံးလေရိုက်ရောဂါ ၊ နှလုံးတုန် ၊ ရင်တုန်ရောဂါ ပျောက်စေပါတယ် ။

၅ ။ ငါးသလောက်နဲ့ ချက်စားရင် အဖောရောဂါကို ကျစေတဲ့အပြင် လူကို ဝဖြိုးစေပြီး နှလုံးအားနည်းခြင်း ကို ပျောက်စေပါတယ် ။

၆ ။ ငါးမြွေထိုးနှင့် ချက်စားရင် ဒူလာသွေးဝမ်း မီးယပ်သွေးဝမ်း နဲ့ မြင်းသရိုက် ရောဂါတို့ကို ပျောက်ကင်းစေပါတယ် ။